Проектот „Прогресивна имплементација на програмата за организирана превенција на рак на грло на матка“ беше избран од членките на Европската асоцијација за цервикален рак (ЕЦЦА) за наградата „Бисер на мудроста“ на престојниот Состанок за цервикален рак, кој ќе се одржи во Европскиот парламент на 26-27 јануари 2010 година.
Книгата Менаџмент во практиката на здравствената заштита е збирка од 45 модули напишани од 49 автори од 8 земји. Овие модули ги покриваат областите јавно здравје, циклус на менаџмент (планирање, имплементација и евалуација), технологија и интервенции, организација на здравствена заштита и здравствени сервиси, промени, лидерство и други полиња на здравствена заштита.
Толковникот по јавно здравство беше презентиран на Регионалната конференција за развој на едукација во јавното здравство, која се одржа во Охрид од 18 до 21 мај 2006 година. Ова е една од првите книги за јавно здравство во земјата, која цели да го помогне разбирањето на главните концепти за јавното здравство.
Преводот на книгата „Новото јавно здравство“ на Теодор Х. Тулчински и Елена А. Варавикова (Академски печат, 2000) е првиот официјален учебник на Центарот за постдипломски студии на Школата за јавно здравство, Факултет за медицина при Универзитетот во Скопје.
Европскиот ден за рационална употреба на антибиотиците е европска иницијатива за јавно здравје, чија цел е да ја подигне свеста за проблемот со антибиотската резистенца, и да даде информации за тоа како сите може да делуваат кон задржување на ефикасноста на антибиотиците. Фокусот на првото обележување на овој ден е на потребата за намалување на непотребната употреба на антибиотици.