„ЈутЛИНК“ започнува: Локална работилница во Скопје
Замислен како четиригодишен проект којшто се фокусира на дел од клучните предизвици за стабилноста и мирот на Балканот, „ЈутЛИНК: Поврзување на иноватори кои делуваат за промена“ поддржува група млади луѓе коишто посветено работат кон прекугранично градење доверба и носење позитивни општествени промени. Со цел да ги остварат зацртаните проектни цели, „Интерњуз“ и шесте партнери организираа еднодневни работилници во секоја од земјите на партнерските организации.
Студија „Национални институции за Човекови права: нормативни модели и предизвици“
ЦРИС Студиорум ја објави студијата „Национални институции за Човекови права: нормативни модели и предизвици“ во која се разгледуваат двете национални институции за Човекови права во Македонија – Народниот правобранител и Комисијата за заштита од дискриминација.
„ЈутЛИНК“: Повик за пријавување на локална работилница
„Интерњуз“–Босна и Херцеговина и партнерите од регионот отпочнаа со спроведување на проектот „ЈутЛИНК: Поврзување на иноватори кои делуваат за промена“.
Фокусирајќи се на нетолеранцијата и дискриминацијата како едни од најголемите предизвици за стабилноста и мирот на Балканот, проектот поврзува млади луѓе од шест земји во регионот овозможувајќи им, притоа, да создадат нови он-лајн социјални платформи и основа за оф-лајн соработка на локално ниво.
Меѓународна конференција за национални институции за Човекови права во Скопје
Меѓународната конференција „Националните институции за човекови права и промоцијата и заштитата на Човековите права во Македонија и Западниот Балкан” се одржа на 3ти и 4ти октомври 2012 година, во ЕУ Инфо Центарот во Скопје. Претставници од националните институции за Човекови права и од граѓански организации од регионот ЈИЕ се собраа да дискутираат правни, економски и аспекти на применетите политики во врска со сегашните институционални рамки за Човекови права во земјите од регионот.
Објавен извештајот за индексот за владеење на правото за 2012 година
На 28 ноември, 2012 година, The World Justice Project (WJP) го објави Изврштајот за Индексот за владеење на правото за 2012 година (WJP Rule of Law Index 2012). Оваа година, извештајот, за прв пат вклучува 97 земји и јурисдикции. Преку својата Програма за човекови права, Студиорум исто така учествуваше во изработката на овој Индекс.
Информација за медиумите: конференција за национални институции за Човекови права во Западен Балкан
На 3ти и 4ти октомври 2012 година во ЕУ Инфо Центарот во Скопје, Центарот за регионални истражувања и соработка Студиорум организира Меѓународна конференција насловена “Националните институции за човекови права и промоцијата и заштитата на Човековите права во Македонија и Западниот Балкан.”
Започнува проектот „Ние сме визуелни!“
„Ние сме визуелни! Едукација и визуелизација на човековите права“ е партнерски проект кој има за цел да ги унапреди човековите права во образованието преку употреба на документарни филмови и аудиовизуелна уметност. Првиот настан во рамките на проектот беше иницијалниот состанок во старата Скопска чаршија кој се покажа како одлична можност за проектните партнери да ја продискутираат методологијата на проектот и да развијат акциски план.