Повик за апстракти за меѓународна конференција за национани институции за Човекови права
Во рамки на проектот “Решавање на институционалната сложувалка: Модел на Национална институција за Шовекови права во Република Македонија”, Студиорум ги поканува заинтересираните автори да достават апстракти за презентации и панел сесии за меѓународна конференција со работен наслов „Национални институции за Човекови права и промоцијата и заштитата на човековите права во Република Македонија и земјите од Западен Балкан“.
ЦРИС Студиорум придонесе во консултациите на ЕК за родов дисбаланс во управните одбори во ЕУ
ЦРИС Судиорум и група поединци учествуваа со придонес во консултациите на ЕК за родов дисбаланс во управните одбори во ЕУ.
Студија и краток извештај за ефективното политичко учество во локалната самоуправа
ЦРИС Студиорум ги објави Студијата и Краткиот извештај за ефективното политичко учество на помалите етнички заедници на локално ниво во Република Македонија.
Промоција на правната анализа на законската рамка за ХИВ/СИДА во Македонија
Анализата покажува како постоечката законска регулатива ги адресира потребите на луѓето кои живеат со ХИВ/СИДА или се под ризик, од аспект на човековите права. Тука е вклучен и пристапот на овие луѓе до здравствена заштита, здравствени и социјални услуги, вработување, правна заштита, образование, како и почитувањето на нивното право на заштита на приватност и доверливост. Направена е и нејзина споредба со меѓународните стандарди и дадени се препораки за надминување на постоечките недостатоци.
Кратка информација: Целно решавање на статусот на државјанство на затекната група граѓани – Роми
ЦРИС Студиорум и Организацијата за заштита на правата на жените и децата“ЛИЛ“ заедно ја објавија кратката информација „На полпат: стекнување со правен статус и државјанство на Ромите во Македонија – Целно решавање на статусот на државјанство на затекната група граѓани – Роми во Република Македонија“. Оваа кратка информација ги разгледува можностите за целно решавање на статусот на државјанство на затекната група граѓани – Роми.
Почеток на проектот „Поминување на бариерата од 20%“
ЦРИС Студиорум отпочна со реализација на проектните активности предвидени со проектот „Ефективно учество на помалите етнички заедници во Македонија: поминување на бариерата од 20%”. Целта на проектот е да даде критичка оценка на влијанието на Охридскиот рамковен договор врз правата на помалите етнички заедници, a во предвечерието на десетгодишнината од неговото потпишување.
Кратка информација за усвоениот закон за спречување и заштита од дискриминација
Оваа кратка информација го разгледува Законот за спречување и заштита од дискриминација усвоен од Собранието на Република Македонија на 8 април 2010 година, а објавен во Службен весник број 50 на 13 Април 2010 година.