Во неговиот нов блог пост, Горан Булдиоски разгледува два примери на добра практика за соработка помеѓу тинк-тенк организации и НВОа. Соработката на Студиорум со ЛИЛ на документ за применети политики во врска со затекнатата група граѓани – Роми, е еден од примерите кои ги дискутира. Булдиоски е истражувач и долгогодишен набљудувач на тинк тенк организациите како форма на организирање, и е директор на Тинк тенк фондот на ИОО.

Анализата покажува како постоечката законска регулатива ги адресира потребите на луѓето кои живеат со ХИВ/СИДА или се под ризик, од аспект на човековите права. Тука е вклучен и пристапот на овие луѓе до здравствена заштита, здравствени и социјални услуги, вработување, правна заштита, образование, како и почитувањето на нивното право на заштита на приватност и доверливост. Направена е и нејзина споредба со меѓународните стандарди и дадени се препораки за надминување на постоечките недостатоци.

На 14 април 2011 година, во хотелот Континентал во Скопје беше одржана конференција на тема „Состојбата на научно-општествените истражувања во Република Македонија”. Овој настан го привлече вниманието на повеќе тинк-танк организации од Македонија, претставници од државните и приватните универзитети, Министерството за образование и наука, како и независни истражувачи.

Претставничка на ЦРИС Студиорум учествуваше на „Користење на информациите и податоците за зголемена комуникација и застапување“, настан за градење на капацитети организиран од Програмата за информации и од Фондот за тинк-тенкови на Институтот за отворено општество.

Во Истанбул, Турција се одржа вториот координативен состанок на правниците-практиканти и партнерите во проектот „Следење и унапредување на имплементацијата на регулативата за човекови права во здравствената заштита“. Целта на состанокот беше да се дефинираат и усогласат идните проектни активностите, да се воведат новите партнери и да се споделат искуствата.

ЦРИС Студиорум започна со активностите во рамки на глобалниот проект „Судска практика поврзана со правото на здравје“. Овој проект беше инициран од специјалниот известувач на Обединетите нации за право на здравје, г. Ананд Гровер, а е координиран од страна на „Лојерс колектив“ (Lawyers Collective) од Индија.

Втората годишна научна конференција на Регионалната програма за промоција на истражувањата (РРПП) ќе се одржи 25-27 јуни, 2010 година Драч, Албанија. На конференцијата ќе учествуваат преку 90 учесници од 16 земји од регионот, од Европа и прекуокеански земји. Истражувачи, вклучувајќи ги и тие кои работат на проекти поддржани од РРПП, ќе ги презентираат нивните трудови во пет паралелни работилници.

Здравствени политики
и менаџмент

Програма за
човекови права

Нови медиуми
и општество