Студиорум придонесува кон Нацрт-глобалниот акциски план на СЗО за антимикробна резистеција

Препознавајќи ја потребата од глобален пристап во борбата против антимикробната резистенција, Студиорум се вклучи во електронскиот консултативен процес којшто Светската здравствена организација го одржа од 4 јули до 1 септември 2014 година. Со цел да одговори на барањето за изготвување нацрт-глобален акциски план за справување со овој предизвик, СЗО отвори консултативен процес по кој ќе бидат земени предвид видувањата и придонесите на сите заинтересирани чинители.

Како активен агент во оваа област на национално ниво, Студиорум обезбеди релевантни податоци за разни аспекти, вклучувајќи ги подигањето на свеста и разбирањето за АМР, утврдувањето на најдобрите пристапи за превенција на инфекции и на чекорите за нивно најефективно спроведување, како и оптимизирањето на употребата на постојните антимикробни средства за здравјето на човекот и животните и во земјоделството. Одговорите на сите организации вклучени во консултативниот процес се достапни на следниот линк:

http://who.int/drugresistance/amr-action-plan-comments/en/

Опфаќајќи ги обврските, ставовите и улогите на сите релевантни чинители, Нацрт-глобалниот акциски план ќе биде претставен пред Извршниот одбор на СЗО во јануари 2015 година, а потоа и на 68-то Светско здравствено собрание во мај 2015 година.