ЦРИС Студиорум имаше свој претставник на годишниот правен семинар организиран од Европската мрежа на правни експерти за не-дискриминација и Европската мрежа на правни експерти за родова еднаквост, кој се одржа на 04ти октомври 2011 година во Брисел.
Билјана Котевска, програмска директорка на Програмата за Човекови права, учествуваше на правниот семинар за еднаквост и не-дискриминација, кој секоја година го организираат Европската мрежа на правни експерти за не-дискриминација и Европската мрежа на правни експерти за родова еднаквост. Темата на семинарот за 2011 година беше „Пристапи кон законодавството за еднаквост и не-дискриминација во и надвор од ЕУ “.
На семинарот учествуваа преставници од Европската комисија, земјите-членки на Европската унија, телата за еднаквост, како и претставници од европски НВОа. Главна тема на дискусија беше транспонирањето и имплементацијата на директивите на Европската Унија за еднаквост и не-дискриминација, со посебен осврт на искуствата од правните системи на т.н трети земји. Сандра Фредман, една од главните авторки за еднаквост и не-дискриминација на денешницата, одржа говор за анти-дискриминационото законодавство од компаративна гледна точка, осврнувајќи се особено на Канада, САД, Индија и Јужна Африка. Во рамки на семинарот исто така се одржаа и неколку работилници на различни теми, вклучително и на товар на докажување, повеќекратна дискриминација и афирмативни мерки.
Повеќе информации за семинарот