Правен семинар 2012 – Закони за еднаквост за сите: претстојни предизвици
ЦРИС Студиорум имаше свој претставник на годишниот правен семинар организиран од Европската мрежа на правни експерти за не-дискриминација и Европската мрежа на правни експерти за родова еднаквост, кој се одржа на 26ти ноември 2012 година во Брисел.
Билјана Котевска, програмска директорка на Програмата за Човекови права, учествуваше на правниот семинар за еднаквост и не-дискриминација, кој секоја година го организираат Европската мрежа на правни експерти за не-дискриминација и Европската мрежа на правни експерти за родова еднаквост. Темата на семинарот за 2012 година беше „Закони за еднаквост за сите: претстојни предизвици“.
Повеќе од 150 учесници (претставници од Европската комисија, земјите-членки на Европската унија, телата за еднаквост, како и од ЕУ чадор-организации) дискутираа и споделуваа искуства и добри практики за транспонирањето и имплементацијата на директивите на Европската Унија за еднаквост и не-дискриминација. На семинарот презентираа дел од најпроминентните академици и практичари кои работат на еднаквост и не-дискриминација, вклучувајќи ги судијката Саша Прешал (Суд на правда на Европската Унија), проф. Криста Тоблер (Универзитет во Базел и Универзитет во Лајден), проф. Евелин Елис (Универзитет во Бирмингам), проф. Одни Мјол Арнардотир (Универзитет во Исланд), Деклан Одемпси (Застапник во Клојстерс, Лондон), како и многу други.
Главни теми на дискусија на семинарот беа: скорешна пракса на Судот на правда на Европската Унија и на Европскиот суд за Човекови права, дискриминација врз основ на бременост и мајчинство, како и дискриминација врз основ на возраст и на религија во областа вработување.
Повеќе информации за семинарот
- Вебсајт на семинарот
- Информации за претходните правни семинари
- Извештаи и новости за Македонија на веблокацијата на Европската мрежа на правни експерти за не-дискриминација