Студиорум со свој придонес во консултациите на КПЛП на ООН

Комитетот за права на лица со попреченост на Организацијата на обединетите нации отвори консултативен процес за првите два нацрт-генерални коментари за Конвенцијата за права на лица со попречност – Нацрт-генералниот коментар Бр.1 за член 12 – еднакво признавање пред законот, и Нацрт-генералниот коментар Бр.2 за член 9 – пристапност.

Во рамки на иницијативата за унапредување на меѓународното право за Човекови права и стандардите за Човекови права, Студиорум учествуваше во овие консултации преку испраќање на пишан придонес за членот 9 – пристапност. Во нашиот придонес, нагласивме неколку генерални прашања и дадовме конкретни препораки за измени на текстот на Нацрт-генералниот коментар Бр.2. Нашите коментари се фокусираа на појасно артикулирање во текстот на Нацрт-генералниот коментар на принципот на еднаквост и не-дискриминација, комплексната и повеќе-димензионална природа на принципот на пристапност, како и на различноста на самата група лица со попреченост. Ја нагласивме и потребата за воведување на сите димензии на принципот на пристапност во сите сектори, како и некои други дополнителни прашања. Целосниот текст на придонсеот (на англиски јазик) можете да го најдете на веб-страницата на Високиот комесар за Човекови права, на овој линк.

Повеќе за консултациите можете да прочитате на: www.ohchr.org