Повик за трудови за дваесет и првото издание на Списанието за европски прашања „Евродијалог“

Центарот за регионални истражувања и соработка „Студиорум“, и Редакцискиот одбор на Списанието за европски прашања „Евродијалог“ објавуваат

Повик за трудови за дваесет и првото издание на Списанието за европски прашања „Евродијалог“
На тема: Домувањето и социјалниот развој

Рок за поднесување на трудови: 20 мај 2016 година.

„Евродијалог“ е публикација на ЦРИС Студиорум, кое се објавува два пати годишно. Списанието има за цел да промовира објективно, критичко и аналитичко размислување за прашања од различни области поврзани со Европската Унија и приближувањето и приклучувањето во ЕУ.

За овој број на „Евродијалог“ ги охрабруваме авторите да поднесат трудови каде својата креативност може да ја изразат во поширок опсег на теми поврзани со домувањето и социјалниот развој, како и теми поврзани со ова прашање во контекст на евроинтеграциските процеси од областите право, економија, јавната администрација, меѓународни односи, политички науки, комуникации, нови технологии и општеството, енергетика, животна средина, здравство, како и од други релевантни области, давајќи им предност на истражувачките теми кои дирекно разработуваат прашања поврзани со Копенхагеншките критериуми, а кои се фокусирани на анализи и студии на случај во однос на потребите и условите кои потекнуваат од ЕУ acquis communitaire.

Одбраните трудови ќе бидат публикувани во „Евродијалог“ бр. 21, кое ќе биде објавено во дигитална форма на CD, на македонски и на англиски јазик. ЦРИС Студиорум ќе обезбеди превод на трудовите. Електронското издание на списанието, кое се објавува на веб-локацијата на „Евродијалог“ исто така ќе ги содржи сите текстови на македонски и на англиски јазик.

Инструкции за авторите:

1. Текстот да биде со должина помеѓу 10 и 15 страници (4500-6000 зборови проверени со word count). Текстот се приложува во електронска форма на електронската пошта на евродијалог: evrodijalog@studiorum.org.mk.
2. Текстот да биде отчукан во Word (било која верзија) без понатамошни дотерувања. Табели и графикони треба да се подготвуваат во наједноставна форма.
3. Текстот треба да содржи:
   • име и презиме на авторот и титула;
   • наслов и (евентуално) поднаслови;
   • кратка биографија за авторот (1-3 реченици);
   • резиме (апстракт) на македонски јазик (1/2 страница) (за авторите кои ќе го испратат текстот на англиски јазик, ЦРИС Студиорум ќе обезбеди превод на резимето на македонски јазик);
   • резиме (апстракт) на англиски јазик (1/2 страница); и
   • користена литература.
4. Јазична лектура и коректура прави Редакцијата на „Евродијалог“.
5. Повикувањето на користената литература треба да биде унифицирано според т.н. MLA style, односно според следниот пример:
   • за користени книги: – во текстот: (Castells, p.236) – на крајот од текстот (во референциите): Castells, M. The Rise of the Network Society, Blackwell Publishers, Oxford, UK, 1996.
   • за користени списанија: – во текстот: (Robins, p.128) – на крајот од текстот (во референците): Robins, K. and Webster F., “The Iron Cage of the Information Society”, Information, Communication and Society, vol. 1, no. 1, Routledge Journals, Hamphire, UK,1998:44-57
   • за користени Web страници: Greenfield, D. “The Nature of Internet Addiction”, Meetings of the American Psychological Association, August 20, 1999, Available: www.virtual-addiction.com (Accessed: April 13, 2000).
   • за користени весници: _____ “Who Owns the Knowledge Economy”, The Economist, vol. 355, no. 8165, The Economist Newspaper Limited, London, UK, April 8, 2000.
   • за конференциски прилози Blau, A. “Floods Don’t Build Bridges: Rich Networks, Poor Citizens, and the Role of Public Libraries”, Information Landscapes for a Learning Society, June 29 – July 1, 1998, University of Bath, UK,1998.

Рокот за поднесување на трудови е 20 мај 2016 година. Ве молиме да поднесувате само готови трудови или трудови кои се во финален нацрт! Ги замолуваме авторите при испраќањето на трудот да назначат дали трудот е финална верзија или финален нацрт. Готовите трудови се приложуваат до Редакцискиот одбор преку електронска пошта на evrodijalog@studiorum.org.mk.

Со нетрпение ги очекуваме вашите трудови!

Редакциски одбор,
Списание за европски прашања „Евродијалог“
Скопје, 20 април 2016 година

---

Линк за симнување:
Повик за трудови за Списание за европски прашања „Евродијалог“ број 21 (.pdf)