Е-Панели: Промовирање на граѓанско учество и волонтерство во поширока Европа
Е-Панели:
Промовирање на граѓанско учество и волонтерство во поширока Европа
3-4 март, 2010 г.
Хотел Карпош, Скопје
Центарот за регионални истражувања и соработка “Студиорум” и Асоцијацијата на локални агенции за демократија (АЛДА) ја организираа Воведната меѓународна конференција за започнување на проектот “Е-панели: Промовирање на граѓанско учество и волонтерство во поширока Европа”. Конференцијата го одбележи почетокот на едногодишната иницијатива, која ќе се реализира во соработка со “House of Europe“, Франција, “FIB” од Шпанија, “Association for European Partnership” од Бугарија, Локални агенции за демократија од Осијек и Сисак, Хрватска, “Horizont” од Албанија и ЦРИС Студиорум како партнерска организација од Република Македонија.
Првата меѓународна конференција се одржа на 3-4 март, 2010 година во Хотел Карпош, Скопје, Република Македонија. На конференцијата се обратија:
- Неда Милевска-Костова, Извршен директор, ЦРИС Студиорум, Република Македонија
- Добрица Миловановиќ, Потпретседател на АЛДА, Заменик градоначалник на Крагуевац, Србија
- Бардил Јашари, Извршен директор, Фондација Метаморфозис, Република Македонија
- Милена Гартли, Програмски офицер, НАЛАС
- Алин Швоб, Проектен координатор, АЛДА
- Пернил Шу, Градска управа на Веље, Данска
- Дарко Булдиоски, Центар за нови медиуми, Република Македонија
- Емилиа Героска, Центар за развој на пелагонискиот регион, Република Македонија
- Мигел Ангел Ајлон, FIB, Шпанија
- Стевица Левајковски, Организација Креактив, Република Македонија
- Зоран Илиески, Директор, Коалиција на младински организации СЕГА, Република Македонија
- Гентијан Руспи, НВО Хоризонт, Албанија
- Малика Диф, House of Europe, Франција
Проектот Е-панели има за цел да развие чувство на европски идентитет, основан на заеднички вредности, историја и култура; да им даде можност на граѓаните да остварат контакти и да учествуваат во проширената Европа преку дебати за тоа како да се подобри граѓанското учество, со фокус на алатки и процеси, како ИКТ алатките и волонтерството. Токму преку овие алатки целта е да се промовира чувството на припадност кон Европската Унија, да се зголеми толеранцијата и взаемното разбирање помеѓу европските граѓани, да се почитува и промовира културната и јазичната разноликост, придонесувајќи кон збогатен меѓукултурен дијалог.
[nggallery id=8]