Студиорум учествуваше на конференција за научно-општествените истражувања во Македонија
На 14 април 2011 година, во хотелот Континентал во Скопје беше одржана конференција на тема „Состојбата на научно-општествените истражувања во Република Македонија”. Овој настан го привлече вниманието на повеќе тинк-танк организации од Македонија, претставници од државните и приватните универзитети, Министерството за образование и наука, како и независни истражувачи.
Студиорум учествува на Втората годишна научна конференција на РРПП
Втората годишна научна конференција на Регионалната програма за промоција на истражувањата (РРПП) ќе се одржи 25-27 јуни, 2010 година Драч, Албанија. На конференцијата ќе учествуваат преку 90 учесници од 16 земји од регионот, од Европа и прекуокеански земји. Истражувачи, вклучувајќи ги и тие кои работат на проекти поддржани од РРПП, ќе ги презентираат нивните трудови во пет паралелни работилници.
Учество на Третата конференција за здравје на мигрантите и етничките малцинства во Европа
Имајќи ги во својот главен фокус здравствените политики, здравјето на малцинствата, а особено здравјето на Ромите, ЦРИС Студиорум прави напори активно да учествува на настани поврзани со овие теми организирани на глобално ниво, со цел споделување на истражувачкото искуство и наоди. Како дел од овие напори, претставници на ЦРИС Студиорум ќе учествуваат на Третата конференција за здравје на мигрантите и етничките малцинства во Европа, која ќе се одржи во Печ, Унгарија од 27 до 29 мај 2010 година.
Студиорум беше домаќин на Конференцијата на евро-азиската иницијатива за безбедност на пациенти
Во рамките на постојаните заложби за подобрување на почитувањето на правата на пациентите и квалитетот на здравствените услуги преку унапредување на безбедноста на пациентите и овозможување услови за работа на здравствените работници, во Скопје во хотелот Континентал од 19 до 21 ноември оваа година се одржа Евроазиската конференција за безбедност на пациентите во организација на Центарот за регионални истражувања и соработка “Студиорум” и Евроазиската иницијатива за безбедност на пациентите.
Плодни дискусии на конференцијата на Студиорум/ИОО за Ромите и јавното здравство во Македонија
На 22 јануари 2009 година во хотел Холидеј Ин во Скопје, ЦРИС Студиорум и Институтот отворено општество (ИОО) организираа еднодневна конференција на тема „Јавното здравство во Македонија и Ромите: Како досега и понатаму?“, подржана од ИОО програмата за јавно здравство.
Студиорум учествуваше на годишната конференција „Здравје и иновации во Европа“ организирана од ЕАЈЗ
Годшината конференција „Здравје и иновации во Европа“ на Европската асоцијација за јавно здравје (ЕАЈЗ/ EUPHA) се одржа 6-8 ноември 2008 година во Лисабон, Португалија. Студиорум даде свој придонес кон промовирањето на идеите и искуствата во врска со здравјето и иновациите во Европа преку презентацијата на Неда Милевска – Костова на оваа конференција.