Неделата за превенција на цервикалниот рак ќе се одржи од 18-24 јануари 2009 година. Главна цел на одбележувањето на оваа недела е да се подигне свеста за цервикалниот рак и како тој може да се спречи
Европскиот ден за рационална употреба на антибиотиците е европска иницијатива за јавно здравје, чија цел е да ја подигне свеста за проблемот со антибиотската резистенца, и да даде информации за тоа како сите може да делуваат кон задржување на ефикасноста на антибиотиците. Фокусот на првото обележување на овој ден е на потребата за намалување на непотребната употреба на антибиотици.
Годшината конференција „Здравје и иновации во Европа“ на Европската асоцијација за јавно здравје (ЕАЈЗ/ EUPHA) се одржа 6-8 ноември 2008 година во Лисабон, Португалија. Студиорум даде свој придонес кон промовирањето на идеите и искуствата во врска со здравјето и иновациите во Европа преку презентацијата на Неда Милевска – Костова на оваа конференција.
Оваа публикација е резултат на ентизујастичкото собирање, дискутирање и мотивација за придонес кон промените во здравствениот сектор на 16 домашни експерти и активисти, домашни службеници и лица од граѓанскиот сектор кои се собраа во Киев на генералното собрание на проектот „Источно-европски и азиски организации за права и безбедност на пациенти“ во мај 2008 година.
На 2 јули 2008 година, Собранието на Република Македонија го донесе законот за заштита на правата на пациентите. Оваа вест ја пренесуваме со задоволство бидејќи станува збор за многу значаен развој. Но, исто така ја пренесуваме и во очекување на многуте предизвици кои ќе следуваат во врска со имплементцијата на овој закон.
Вториот Европски ден на правата на пациентите беше на 18 април 2008 година. Прославата на овој ден во Република Македонија ја организираше ЦРИС Студиорум, како домаќин на настан поддржан од Европската комисија и Мрежата за активно граѓанство од Италија.
Истражувачкиот тим на ЦРИС Студиорум, Неда Милевска – Костова и Ениса Еминова, во соработка со ХДЗР Месечина од Гостивар, одржаа прес конференција за промоција на извештајот за проценка „Ромската заедница во Република Македонија – преглед на ситуацијата и предизвиците во врска со домувањето и здравствената заштита“. Промоцијата се одржа на 29 февруари 2008 година во Холидеј Ин во Скопје.